Tuneżija……….. 1
Franza………….. 0
Kienet inutli r-rebħa tat-Tuneżija fuq Franza bl-iskor ta’ 1-0 minħabba li bir-rebħa tal-Awstralja fuq id-Danimarka bl-istess skor huma temmew fit-tielet post ta’ dan il-grupp biex sfaw eliminati.
Min-naħa ta’ Franza, li niżlu għal dan il-konfront b’team mibdul wara li aċċertaw posthom fir-round tal-Aħħar 16 u saħansitra rebħu l-grupp, iddiżappuntaw biex naqsu milli jiksbu punti massimi minn tliet logħbiet.
Intant, wara taqsima bla goals, b’mod meritat it-Tuneżini fetħu l-iskor fit-58 minuta meta Ellyes Skhiri għadda lejn Wahbi Khazri li daħal fil-kaxxa u għeleb lil Steve Mandanda.
Fit-98 minuta, Franza ħasbu li kisbu d-draw minn Antoine Griezmann iżda l-goal ma ġiex konvalidat minħabba pożizzjoni ta’ offside wara verifikazzjoni mal-VAR.
Tuneżija: Aymen Dahmen, Montassar Talbi, Yassine Meriah, Nader Ghandri, Ali Maaloul, Aissa Laidouni, Ellyes Skhiri, Wajdi Kechrida, Mohamed Ben Romdhane (Ghaylene Chaalali 74), Wahbi Khazri (Issam Jebali 60), Anis Ben Slimane (Ali Abdi 83) – Coach: Jalel Kadri
Franza: Steve Mandanda, Axel Disasi, Raphael Varane (William Saliba 63), Ibrahima Konate, Youssouf Fofana (Antoine Griezmann 73), Aurelien Tchouameni, Eduardo Camavinga, Matteo Guendouzi (Ousmane Dembele 79), Kingsley Coman (Kylian Mbappe 63), Randal Kolo Muani, Jordan Veretout (Adrien Rabiot 63) – Coach: Didier Deschamps
Referee: Matthew Conger (New Zealand)
Assistenti: Mark Rule (New Zealand), Tevita Makasini (Tonga)
Ammoniti: W. Kechrida (T)
