‘Ir-riforma tal-Governanza li nbdiet mill-MFA hija ffukata ħafna fil-mandat tagħha, prinċipalment it-twassil ta’ qafas regolatorju b’saħħtu fil-konformità fuq bosta livelli.’ Dan qalu l-president tal-MFA Bjorn Vassallo waqt li kien qed jindirizza lill-Bord Eżekuttiv aktar kmieni llum. Il-president tal-Assoċjazzjoni rringrazzja liż-żewġ kumitati konsultattivi mmexxija minn Dr Cory Greenland u Dr Peter Fenech rispettivament għall-kontribut tagħhom.
Fil-laqgħa tal-lum l-amministrazzjoni tal-MFA ppreżentat abbozzi ta’ proposti għal Kontra l-Ħasil tal-Flus bil-għan li tipproteġi s-sistema finanzjarja tal-football kontra l-kriminalità finanzjarja. Vassallo tenna li ‘Bħal ħaddieħor fl-Ewropa, identifikajna r-riskju ta’ ħasil ta’ flus relatat mas-settur tal-futbol u ħloqna numru ta’ regolamenti biex jissalvagwardjaw u jipproteġu lill-uffiċjali tal-football, amministraturi, u voluntiera li jaħdmu u jinvestu f’dan is-settur u li fil-vast tagħhom. il-maġġoranza huma nies onesti u ġenwini”.
Vassallo stqarr li l-MFA se tkun l-ewwel organizzazzjoni sportiva fil-pajjiż li ssaħħaħ is-salvagwardji tagħha Kontra l-Ħasil tal-Flus.
Suġġett ieħor għal diskussjoni kien il-prinċipji l-ġodda fil-Liċenzjar tal-Clubs domestiku li huwa objettiv strateġiku taħt il-pilastru Development & Grow. L-amministrazzjoni tal-Assoċjazzjoni ressqet il-proposti tagħha li jinkludu rekwiżiti dwar il-kriterji legali, amministrattivi, finanzjarji u sportivi.
Ir-rakkomandazzjonijiet proposti jinkludu limiti massimi (proporzjon tan-nefqa totali) fuq l-infiq fuq salarji għal clubs b’liċenzja professjonali/semi-professjonali u t-traċċabilità tal-finanzjament tal-clubs bħala parti mir-reġim tal-AML.
Dawn il-proposti huma stabbiliti għal perjodu ta’ konsultazzjoni fit-tliet xhur li ġejjin minn Novembru sa Jannar tas-sena d-dieħla, bil-għan li jiġu kkonsolidati r-rakkomandazzjonijiet qabel ma jiġi ppreżentat dokument finali fl-Assemblea Ġenerali f’Marzu 2022. Regoli approvati se jsiru effettivi mill-istaġun 2022/ 23 minbarra fejn huma pprovduti eżenzjonijiet għal implimentazzjoni gradwali fit-tul.