Raġel sofra ġrieħi wara li lbieraħ għall-ħabta tal-10:00 p.m kien involut f’inċident li seħħ fi Triq l-Ordinanza fil-Belt Valletta.
Minn investigazzjonijiet li saru irriżulta li fil-kċina tal-istabbiliment kienet seħħet splużjoni minħabba ċilindru tal-gass.
Fuq il-post issejħu membri mid-Dipartiment tal-Protezzjoni Ċivili kif ukoll ambulanza b’tim mediku mill-Isptar Mater Dei.
Raġel ta’ 44 sena residenti l-Belt Valletta sofra ġrieħi kawża tal-isplużjoni u ttieħed l-Isptar Mater Dei għall-kura meħtieġa fejn ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
