Raġel iddaħħal l-Isptar wara li lbieraħ għall-ħabta tas-06:30 p.m kien involut f’inċident fil-Pjazza l-Isqof Mikiel Buttiġieġ, il-Qala, Għawdex.
Minn stħarriġ illi sar, irriżulta li raġel ta’ 56 sena mill-Qala, Għawdex, kien waqa’ minn fuq kaxxa ta’ trakk, li kien ipparkjat.
Fuq il-post issejjaħ tim mediku sabiex jassisti u ambulanza ħadet lir-raġel l-Isptar Ġenerali ta’ Għawdex għall-kura meħtieġa. Aktar tard huwa ġie ċċertifikat li sofra ġrieħi gravi.
L-investigazzjonijiet mill-Pulizija b’rabta ma’ dan il-każ għadhom għaddejjin.
