Raġel indarab wara li aktar kmieni għall-ħabta tal-10:30 a.m kien involut f’inċident li seħħ f’binja li tinsab fi Triq Atocia, il-Ħamrun.
Minn investigazzjoni li saret irriżulta li raġel ta’ 51 sena residenti Ħal Qormi waqa’ madwar sular waqt li kien qed jagħmel xi xogħol.
Fuq il-post issejjaħ tim mediku sabiex jassisti, u ambulanza ħadet lir-raġel lejn l-Isptar Mater Dei għall-kura meħtieġa. Aktar tard huwa ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.
