Reading FC qed jaħsbu sabiex jerġgħu jsejħu lill-Olandiż Jaap Stam sabiex imexxi lit-team għall-kumplament tal-istaġun. Hu kien diġa’ fit-tmun tat-team bejn l-2016 u l-2018.
Hekk kif bħalissa t-team hu mmexxi minn Paul Ince, id-diriġenza ta’ The Royals qed jaħsbu fi Stam minħabba l-grinta li kapaċi jagħti lill-plejers tiegħu. Hu diġa’ kellu esperjenzi bħala coach f’pajjiżu stess kif ukoll fl-Istati Uniti ma’ FC Cincinnati. Hu għandu 50 sena u libes il-flokk tat-team nazzjonali Olandiż 67 darba filwaqt li skorja tliet gowls.