L-Arċipriet tal-Parroċċa taż-Żebbuġ Għawdex qiegħed jappella lir-residenti Għawdxin biex illejla ma’ nżul ix-xemx jixegħlu xemgħa.
L-Arċipriet Kan Ġwann Sultana stieden lill-komunità biex ipoġġu x-xemgħa fit-twieqi b’solidarjetà ma’ Kierin u familtu.
Huwa żied jiddeskrivi din ix-xemgħa bħala waħda ta’ fidi fil-Mulej, Tama fih u Imħabba lejn xulxin.
It-tfajjel ta’ 10 snin sofra ġrieħi serji wara li l-Ħamis li għadda għall-ħabta tan-12:30 p.m kien f’għalqa fl-Għasri meta spiċċa maqbud bejn żewġt inġenji.
Tim Mediku tah l-ewwel assistenza fuq il-post fejn minnufih bdew il-preparament biex ikun jista’ jiġi trasportat lejn l-Isptar Mater Dei minħabba l-kundizzjoni kritika li kien jinsab fiha.
