Il-briju, il-ferħ u l-involviment tal-attivisti differenti matul il-Karnival ta’ din is-sena temmew il-ħidma tagħhom hekk kif illejla qegħdin isiru l-aħħar attivitajiet fil-Belt Valletta u l-Floriana.
Il-qofol tal-Karnival intlaħaq proprju fi Triq Sant Anna, il-Floriana, bil-Gran Finale – wirja spettakolari bil-parteċipazzjoni tal-karrijiet kollha. Liema attività mistennija tibqa’ għaddejja sa tard filgħaxija.
Issa, kif titlob it-tradizzjoni, it-tmiem tal-Karnival wassal għall-bidu tar-Randan, perjodu li teoloġikament, kif ukoll tradizzjonalment, ifisser perjodu ta’ sawm u riflessjoni interna, liema perjodu jintemm bil-festa tal-Għid il-Kbir.
