Kyle Micallef u Jacob Micallef, żewġ sewwieqa tal-karting Maltin promettenti ta’ 12-il sena, kienu Londra bejn il-15 u s-17 ta’ Awwissu biex jattendu kors għal sewwieqa żgħażagħ bħal Kyle u Jacob.
Kyle u Jacob attendew għal dan il-kors wara li spiċċaw bħala l-aqwa żewġ sewwieqa fil-Programm ta’ Taħriġ ta’ Sewwieqa Żgħażagħ organizzat mill-Malta Motorsport Federation bl-appoġġ tal-FIA, SportMalta u bil-kollaborazzjoni tal-Island Karting Club u l-Karting Club Malta.
It-Tnejn, 15 ta’ Awwissu, Jacob u Kyle qattgħu l-ġurnata fil-CoFiGi Performances Mental Training Facility ġewwa Silverstone Race Circuit, immexxija mill-Mental Performance Coach Simon Fitchett u Driver Coach Jof Cox. L-ewwel jum kellu l-għan li jenfasizza l-importanza tal-prestazzjoni mentali.
It-tnejn ġew sottomessi għal sfidi mentali numerużi waqt li ġew evalwati permezz ta’ apparat li jkejjel l-attività tal-moħħ u r-rata tal-qalb. L-għan kien li jżidu l-għarfien tagħhom infushom u mentali u jtejbu l-effiċjenza u ċ-ċarezza mentali tagħhom, flimkien mal-koordinazzjoni, b’aġilità newromuskolari, reattività, edukazzjoni u fokus. Il-ħidma fuq dan il-livell ma’ atleti ta’ din l-età tgħinhom itejbu l-prestazzjoni mentali, il-kunfidenza u l-kapaċità tagħhom li jimmaniġġjaw waqt pressjoni.
Wara nofsinhar, saqu simulatur fejn il-prestazzjoni mentali tagħhom ġiet evalwata biex tikxef xejriet negattivi li jistaw jaffettwaw il-prestazzjoni.
Nhar it-Tlieta, 16 ta’ Awwissu, qattgħu t-tieni jum fil-PFI International Circuit (Paul Fletcher International) isuqu X30 Karts minn MadCroc Karting UK ta Simon Parker. Ibbenefikaw minn kowċing professjonali mit-tim MadCroc li jħares lejn l-informazzjoni eletronika fuq ċirkwit li ma esperjenzawx qabel. Sfortunatament, sakemm Jacob waqaf aktar kmieni milli kien ippjanat, għamel prestazzjoni eċċellenti, kemm hu kif ukoll Kyle spiċċaw 1.2 sekondi biss wara dawk li jikkompetu fil-Kampjonat Brittaniku. Sa l-aħħar tal-ġurnata, Kyle spiċċa 0.9 sekondi mill-aktar sewwieq veloċi u għamel l-aktar titjib sinifikanti. Bla dubju, li kieku Jacob kompla, kien jispiċċa b’ħin simili għal Kyle peress li t-tnejn jinsabu viċin ħafna. Simon Parker ta MadCroc kien impressjonat ħafna u qal li r-rata ta’ titjib tagħhom matul il-ġurnata kienet impressjonanti. Kienu preżenti wkoll Simon Fitchett u Jof Cox, li jaħdmu magħhom mentalment u fuq tekniki tas-sewqan.
Nhar l-Erbgħa, 17 ta’ Awwissu, kienu lura fil-CoFiGi Performance, fejn reġgħu ġew assessjati, ħadmu mill-istess sfidi tal-ewwel jum sabiex ikun hemm data x’tqabbel; it-tnejn tjiebu ħafna. Imbagħad poġġew fil-prattika dak kollu li kienu tgħallmu fil-jiem ta’ qabel aktar tard matul il-ġurnata meta tpoġġew fi pressjoni għolja u f’ambjent kompetittiv biex jaraw jekk jistgħux jużaw it-tekniki, jaħdmu fl-aħjar mod tagħhom u jevitaw li jkunu distratti. Għal darb’oħra, Jacob u Kyle wrew progress eċċellenti u setgħu jagħmlu lil hinn mir-riżultati tal-ewwel jum iżda taħt ħafna aktar pressjoni, u jenfasizzaw it-titjib u l-kapaċità tagħhom li jimmaniġġjaw il-pressjoni u jżommu l-mentalità korretta. It-tnejn temmew it-taħriġ bażiku, f’ħin li normalment jieħu konsiderevolment aktar, għalhekk l-istadju li jmiss ikun li jibdew jaħdmu fuq il-ħiliet mentali aktar avvanzati wara li wrew konsistenza fil-livell primarju.
Il-kowc ewlieni Simon Fitchett qal, “kemm Jacob kif ukoll Kyle kienu ta’ atleti li tieħu gost taħdem magħhom u tikkowċjaw. Huma semgħu u segwew l-istruzzjonijiet, u l-entużjażmu u x-xewqa tagħhom li jitgħallmu għin ħafna. Bla dubju, jekk ikomplu jaħdmu jilħqu l-potenzjal tagħhom. It-tnejn huma karattri differenti, u għalhekk it-tnejn jafu fejn għandhom bżonn itejbu lilhom infushom u fuq xiex iridu jaħdmu. Aħna se nsegwuhom b’interess biex naraw il-progress tagħhom u, ovvjament, qegħdin hawn biex nappoġġjaw kull meta jkun meħtieġ.”
