Il-president ta’ La Liga, Javier Tebas, talab ratifika uffiċjali mingħand La Vanguardia għall-akkużi tagħhom kontrih u kontra La Liga li saru nhar it-Tnejn filgħodu.
Il-ġurnal Katalan, li qabel irċieva ħlasijiet mingħand Barcelona bħala parti minn Barcagate, ippubblika storja ewlenija nhar it-Tnejn fejn akkuża lil La Liga u lill-president tagħha li ppreżentaw evidenza falza kontra l-club bħala parti mir-rivelazzjonijiet tal-Każ Negreira.
Jgħidu li La Liga ressqet provi maħsuba biex jinkriminaw lill-eks presidenti, Sandro Rosell u Josep Maria Bartomeu, meta ssemmew l-ismijiet ‘Josep Maria’ u ‘Rosell’. Tebas wieġeb għall-istorja minn La Vanguardia li sejjaħha falza.
It-Tnejn wara nofsinhar Barcelona ħarġu stqarrija b’mod qawwi fejn talbu lil Tebas jirriżenja minħabba din il-kwistjoni, waqt li tkellmu dwar l-ossessjoni tiegħu, id-dispjaċir u l-kampanja tiegħu kontra l-club.
Tebas imbagħad semma’ direttament lil Barcelona fi tweet, fejn ippubblika ittra uffiċjali lil La Vanguardia fejn talab ratifika.
BARCA TALBU GĦAR-RIŻENJA TA’ TEBAS
Barcelona talbu pubblikament li l-president ta’ La Liga, Javier Tebas, iwarrab mill-kariga tiegħu, wara akkuża f’La Vanguardia.
L-akkuża ppubblikata minn La Vanguardia tallega li Tebas ippreżenta provi foloz lill-prosekutur pubbliku dwar il-Każ Negreira, li Tebas wieġeb għaliha.
Barcelona esprimew ir-‘rabja, id-dispjaċir u l-għadab tagħhom’ għal dak li kkategorizzaw bħala ‘evidenza falza biex jinkrimina lill-club tagħna’. L-istqarrija tkompli tgħid li jħossu li huma l-‘vittmi tal-kampanja tal-midja’ b’La Liga ‘tgħolli l-fjammi minn wara l-kwinti’.
‘B’kuntrast mas-soltu bla sens tiegħu’ tkompli l-istqarrija, ‘qatt ma stajna nimmaġinaw li kien se jippreżenta provi foloz biex jinkriminawna’.
It-ton qawwi jkompli bl-akkużi li uża l-midja biex jinfluwenza l-opinjoni kontra Barcelona, b’riżultat tal-‘ossessjoni’ u d-‘dislike manifesta’ tiegħu lejn Barcelona. L-istqarrijiet jispiċċaw billi jitolbu r-riżenja ta’ Tebas, jekk jonqos milli jispjega ruħu pubblikament lil hinn mit-tweet.
Jidher bħallikieku l-gwerra bejn Tebas u Laporta se tkompli għal xi żmien. Tebas talab biex il-president ta’ Barcelona jirriżenja ftit wara r-rivelazzjonijiet tal-Każ Negreira jekk ma jistax jispjegahom, u l-Blaugrana issa wieġbu bl-istess mod. Laporta kien ukoll l-ewwel wieħed li għamel it-terminu ‘ossessjoni’, biex jiddeskrivi dik li jemmen li hi kampanja minn Tebas.
