Il-Malti Jean Claude Pace huwa r-rebbieħ tal-edizzjoni 2023 tal-kampjonat Ewropew għal sewwieqa apprendisti tal-Unjoni Ewropea tat-Trott u li ġie organizzat il-Ħadd wara nofsinhar fil-korsa tal-Marsa. Dan permezz ta’ erba’ heats għal żwiemel tal-klassi Bronze u Copper fuq distanza ta’ 2140m.
B’kollox ħadu sehem tlettax -il sewwieq, b’Malta tkun rappreżentata minn Jean Claude Pace li temm rebbieħ wara li tella’ total ta’ 46 punt. Din kienet is-37 edizzjoni ta’ dan il-kampjonat u Malta kienet diġa’ organizzatu darbtejn fl-1993 u fl-1995. Dawn il-heats internazzjonali għamlu parti mis-46 laqgħa tas-sena fuq maratona ta’ tnax -il tiġrija kollha tat-trott u li nkluda wkoll tmien heats mill-kampjonat Johnnie Walker għal żwiemel tal-klassi Gold ukoll fuq distanza qasira.
Fl-ewwel heat internazzjonali tal-klassi Bronze, id-debuttant Taljan Dario del Brenta, misjuq mill-Ġermaniża Lisa Sophie Zimmer, ċeda kollox 400m mit-tmiem u nqabeż minn Givre Nonantais (Theo Briand – Franza) li akkwista r-raba’ rebħa tas-sena minn Flash Du Condroz (Jean Claude Pace) u Conflit (Jonas Steiner – Awstrija).
Attakk mibdi 500m mit-tmiem tat-tieni heat internazzjonali wassal lil Imanol De Mongochy (Jonathan Cowden – Irlanda) biex jirreġistra l-ewwel rebħa fi xtutna faċilment bi tliet tulijiet minn Digital Life (Maylen Lode – Norveġja) u Fleur De Blay (Jim Veldman – Olanda). Jakino (Jean Claude Pace) temm fir-raba’ pożizzjoni.
It-tielet heat kienet ikkaratterizzata minn dwell eċċitanti fid-dritta finali bejn Idoline (Jonas Steiner – Awstrija) u Fakir De Mone (Jean Claude Pace). Kienet Idoline li akkwistat l-ewwel rebħa f’pajjiżna b’Deal Des Marceaux (Floris Vandenabeele – Belġju) u Harry De L’Ormerie (Lisa Sophie Zimmer) ikollhom ukoll wirja tajba.
L-Irlandiż Jonathan Cowden reġa kien il-protagonist ewlieni firr-raba’ u l-aħħar heat. Sprint qawwi 400m mit-tmiem permezz ta’ Heros De Claivince wassal lil Cowden biex jerġa jtemm rebbieħ minn Viking Du Sarthon (Jim Veldman – Olanda) u Hurricane (Malte Handfast – Żvezja). Lajos Euro (Jonas Steiner) temm fir-raba’ post.
Fi tmiem din l-aħħar heat Jean Claude Pace ġie dikjarat iċ-champion Ewropew b’46 punt, l-Irlandiż Jonathan Cowden temm it-tieni b’45 punt segwit mill-Awstrijakk Jonas Steiner bi 43 punt.
Ir-rebbieħa kollha
I Tiġrija. Heat Kampjonat Johnnie Walker. Klassi Gold. Dist – 2140m. 1. Durga Des Valerins (Cherise Farrugia) Ħin – 2.40.9” (1.15.2”) 2. Flash De Celland (D. Ellul) 3. Coumba Kuky (R. Gatt) 4. Dynamit Life (K. Galea)
II Tiġrija. Heat Kampjonat Johnnie Walker. Klassi Gold. Dist – 2140m. 1. First Love M.L. (R. Gatt) Ħin – 2.40.2” (1.14.9”) 2. Call Jack (L. Ghigo) 3. Don Josco (R. Magro) 4. Cutty Sark (J. Gafa’)
III Tiġrija. Heat Kampjonat UET Apprendisti. Klassi Copper. Dist – 2140m. 1. Givre Nonantais (T. Briand – FRA) Ħin – 2.44” (1.16.6”) 2. Flash Du Condroz (J.C. Pace) 3. Conflit (J. Steiner – AWS) 4. Dario Del Brenta (L.S. Zimmer – ĠER)
IV Tiġrija. Heat Kampjonat UET Apprendisti. Klassi Copper. Dist – 2140m. 1. Imanol De Mongochy (J. Cowden – IRL) Ħin – 2.45.8” (1.17.5”) 2. Digital Life (M. Lode – NOR) 3. Fleur De Blay (J. Veldman – OLA) 4. Jakino (J.C. Pace)
V Tiġrija. Heat Kampjonat Johnnie Walker. Klassi Gold. Dist – 2140m. 1. French Gold (J. Gafa’) Ħin – 2.41.5” (1.15.5”) 2. Carlos Stephanie (N. Barbara) 3. Derby Speed (N. Cauchi) 4. Firejack De Viette (C. Borg)
VI Tiġrija. Heat Kampjonat UET Apprendisti. Klassi Copper. Dist – 2140m. 1. Idoline (J. Steiner – AUS) Ħin – 2.47.5” (1.18.3”) 2. Fakir De Mone (J.C. Pace) 3. Deal Des Marceaux (F. Vandenabeele – BEL) 4. Harry De L’Ormerie (L. S. Zimmer – GER)
VII Tiġrija. Heat Kampjonat UET Apprendisti. Klassi Copper. Dist – 2140m. 1. Heros De Claivince (J. Cowden – IRA) Ħin – 2.42” (1.15.7”) 2. Viking Du Sarthon (J. Veldman – OLA) 3. Hurricane (M. Handfast – ZVE) 4. Lajos Euro (J. Steiner – AWS)
VIII Tiġrija. Heat Kampjonat Johnnie Walker. Klassi Gold. Dist – 2140m. 1. Elixir Du Bocage (Ch. Camilleri) Ħin – 2.42” (1.15.7”) 2. Boston Wise L (P. Cuschieri) 3. Bounty Roc (D. Gatt) 4. Furyo (Cherise Farrugia)
IX Tiġrija. Heat Kampjonat Johnnie Walker. Klassi Gold. Dist – 2140m. 1. Zidane D.E. (C. Grech) Ħin – 2.46.4” (1.17.8”) 2. Glenn Boko (P. Galea) 3. Cristal Pierji (T. Briand) 4. Fast Des Brousses (C. Vassallo)
X Tiġrija. Heat Kampjonat Johnnie Walker. Klassi Gold. Dist – 2140m. 1. Dreams Happen (R. Gatt) Ħin – 2.42.8” (1.16.1”) 2. Diaz Dairpet (C. Calleja) 3. Padron Kloster (J. Attard) 4. Quite E. Wood (J.P. Farrugia)
XI -il Tiġrija. Heat Kampjonat Johnnie Walker. Klassi Gold. Dist – 2140m. 1. Felicio Du Joamax (J. Zahra) Ħin – 2.42.1” (1.15.7”) 2. Defi Orageux (R. Gatt) 3. Derby d’Urzy (J. Gafa’) 4. Choco Garline (A. Cassar)
XII -il Tiġrija. Heat Kampjonat Johnnie Walker. Klassi Gold. Dist – 2140m. 1. Bicetre (C. Calleja) Ħin – 2.41.4” (1.15.4”) 2. Da Vinci Bond (M. Ellul) 3. Cessillac (Ch. Degiorgio) 4. And Stitch (C. Vassallo)
