Dan is-sit jinsab infurmat li iktar kmieni llum, għall-ħabta tas-6:15 a.m. inqalbet karozza fi Triq Profs W. Ganado, Pembroke.
Minn stħarriġ illi sar irriżulta li għal xi raġuni, vettura SUV misjuqa minn raġel ta’ 33 sena residenti l-Gżira nqalbet u mal-impatt intlaqat arblu li sarlu xi ħsara.
Tim mediku ssejjaħ fuq il-post biex jassisti lis-sewwieq. Fortunatament ma sofra l-ebda ġrieħi.
L-investigazzjonijiet tal-Pulizija b’rabta ma’ dan il-każ għadhom għaddejjin.
