Everton żiedu lill-midfielder ta’ Manchester United Jesse Lingard mal-lista tagħhom ta’ miri ta’ trasferimenti.
Il-player ta’ 28 sena se jkun barra mill- kuntratt f’Old Trafford fi tmiem l-istaġun u ġie marbut ma’ ċaqliq ‘il bogħod mill-club.
Lingard għadu ma bediex logħba tal-Premier League dan l-istaġun u huwa rrappurtat li qed ifittex li jkun utilizzat b’mod regolari meta tiftaħ it-tieqa tat-trasferimenti.
Rafael Benitez huwa ammiratur kbir tal-internazzjonali Ingliż u għamlu wieħed mill-aqwa miri tiegħu hekk kif jinsab ħerqan li jżid midfielder offensiv fl-iskwadra tiegħu.
Everton se jfittxu li jaqblu ma’ ftehim ta’ self għal Lingard f’Jannar, li mbagħad jinbidel fi trafseriment permanenti fis-sajf li ġej.
Lingard, li qatta’ t-tieni nofs tal-istaġun li għadda b’self ma’ West Ham United, ilu ma’ Manchester United mill-età ta’ seba’ snin u għamel 217 dehra għall-club.
