Jekk illejla pruvajt taċċessa waħda mit-tliet apps popolari – Facebook, Instagram jew Whatsapp – u ma ħadmitlekx, m’intix waħdek. Dan hekk kif għall-ħabta tas-5.45p.m. miljuni ta’ persuni madwar id-dinja bdew jesperjenzaw problemi biex jaċċessaw dawn l-apps hekk kif waqfu jaħdmu.
Għall-bidu ma ngħatat l-ebda raġuni minn naħa ta’ Facebook, li jmexxi dawn l-apps, ta’ għalfejn waqfu jaħdmu iżda aktar tard mal-jum huwa qal li jinsab konxju li hemm xi nies li ma jistgħux jaċċessaw dawn il-prodotti. Filwaqt li skuża ruħu għal kull inkonvenkent, Facebook qal li qed jaħdmu biex kollox jirritorna lura għan-normal mill-aktar fis possibbli.
We’re aware that some people are having trouble accessing our apps and products. We’re working to get things back to normal as quickly as possible, and we apologize for any inconvenience.
— Facebook (@Facebook) October 4, 2021
