Is-sajf iġib miegħu fażi oħra fl-edukazzjoni tat-tfal tagħna u kulma jmur qiegħda tiżdied l-attendenza ta’ dawk li jattendu għal Skola Sajf.
It-temperaturi għoljin xejn ma jgħinu u fejn u possibbli tajjeb li dak li jkun jevita l-periklu u mhux bil-kontra.
Dan hekk kif fl-aħħar jiem kien hemm ilmenti minn ġenituri u anke residenti Xlukkajri li qalu li ma jarawhiex flokha li bħala entratura ta’ skola tintuża dik fejn hemm l-inġenji u ġebel maqlugħ fuq xulxin meta tista’ faċilment tintuża entratura oħra tal-istess skola.
“Minbarra l-inkonvenjent u l-periklu għat-tfal u l-persuni li jiġbruhom, jekk dan iseħħ, il-ħaddiema jkunu jistgħu jaħdmu b’mod aktar sigur”, kien jgħid wieħed mill-kummenti li segwew ritratti tax-xogħlijiet.