Żagħżugħ indarab serjament wara li lbieraħ għall-ħabta tal-10:30 p.m kien involut f’inċident tat-traffiku li seħħ fi Triq ix-Xatt, Tal-Pietà.
Minn stħarriġ illi sar irriżulta li ż-żagħżugħ; Albaniż ta’ 22 sena mill-Belt Valletta kien tilef il-kontroll tal-mutur li kien qiegħed isuq u daħal fi crash barrier.
Fil-post issejħet ambulanza u tim mediku li assistew liż-żagħżugħ sakemm seta’ jittieħed lejn l-Isptar għall-kura neċessarja.
Il-Maġistrat tal-Għassa Dr Rachel Montebello ġiet infurmata bil-każ u ħatret inkjesta.
L-investigazzjonijiet tal-Pulizija għadhom għaddejjin.
