Raġel ta’ 59 sena residenti Raħal Ġdid sofra ġrieħi serji wara li waqa’ għoli ta’ madwar sular minn gallarija.
Dan seħħ ilbieraħ għall-ħabta tad-9.15p.m. fi Triq Ġebel Ħanxul, Wied il-Għajn.
Il-Pulizija marret immedjatament fuq li-post u l-vittma ngħata l-għajnuna minn tim mediku. Huwa ttieħed l-Isptar Mater Dei permezz t’ambulanza u ġie ċċertifikat li sofra ġrieħi serji.
Membri mid-Dipartiment tal-Protezzjoni Ċivili kienu wkoll fuq il-post biex jassistu.
Il-Maġistrat tal-Għassa Nadine Lia ġiet infurmata bil-każ u ħatret inkjesta.
L-investigazzjonijiet mill-Pulizija għadhom għaddejjin.
