Kif kien imbassar skond ir-rapport meterjoloġiku, is-Sibt wara nofsinhar kien kkarraterizzat minn ħalbiet tax-xita iżolati f’diversi lokalitajiet madwar Malta.
Is-sit meterjoloġiku juri li x-xita laqtet b’mod partikolari n-naħa ta’ fuq u n-naħa ta’ isfel ta’ Malta inkluż Għawdex.
Intant kawża tax-xita kellhom jitwaqqfu temporanjament il-logħob tal-futbol tal-ogħla diviżjoni.
L-ogħla temperatura għal-lum ser tkun ta’ 21°C, li tinżel għal 15°C u tinħass 14°C iktar tard illejla. Barra minn hekk, il-possibiltà li jkollna maltemp bis-sajjetti hija ta’ 35%.
Is-sit tal-Ajruport Internazzjonali ta’ Malta jsemmi wkoll li matul il-jum tal-Ħadd mistennija aktar ħalbiet iżolati tax-xita.
