Matul is-sena skolastika jsiru bosta attivitajiet li jgħinu lill-istudenti jaqtgħu daqsxejn mir-rutina ta’ kuljum, u xi drabi dawn iwasslu wkoll biex jgħinu lil min hu fil-bżonn.
Iktar kmieni din il-ġimgħa, skola primarja ħarġet b’inizjattiva sabiex jinġabru fondi għall-karità. Din id-darba kien imiss lill-istudenti tal-Iskola Primarja ta’ San Alwiġi li, flimkien mal-istaff tal-iskola, organizzaw crazy hair day b’risq Puttinu Cares.
Huma rnexxielhom jiġbru €1,000 u tawhom bħala donazzjoni lil Puttinu.
