Bħal-lum ġimgħa ttella’ katavru mill-baħar fl-inħawi ta’ Għar Ħasan Birżebbuġa fi stat qawwi ta’ dekompożizzjoni.
Ikkonferma ma’ dan s-sit, kelliem għall-Puliizija, fejn qal li l-Pulizija kienet infurmata għall-ħabta tas-6:30 p.m u li fuq il-post marru l-Membri tal-Forzi Armati ta’ Malta sabiex il-katavru seta’ jittella permezz ta’ ħelikopter.
Il-katavru ma ġiex identifikat iżda bħalissa għaddejja investigazzjoni u fuq il-każ infetħet inkjesta mill-Maġistrat Joe Mifsud.
