Il-pulizija Awstraljana qalet li nstabu żewġ katavri waqt li kienu għaddejjin it-tfittxijiet għal koppja li kienu rrapportati nieqsa f’Sydney, li huma Jesse Baird u Luke Davies.
“Ninsabu kunfideti li sibna lil Luke u Jesse,” qalet il-Kummissarju tal-Pulizija ta’ New South Wales Karen Webb.
Beaumont Lamarre-Condon, eks uffiċjal tal-pulizija li għamel xi żmien joħroġ ma’ Baird, qed ikun akkużat bi qtil.
Iż-żewġ katavri nstabu fi proprjetà rurali fil-belt ta’ Bungonia. Il-Pulizija qalet li wara għall-ewwel irrifjuta li jikkopera magħhom, Lamarre-Condon żvela fejn kienu jinsabu ż-żewġ katavri t-Tlieta filgħodu.
Is-Supretendent Daniel Doherty qal li l-fdalijiet instabu “ħdejn id-daħla tal-proprjetà” u li saru tentattivi “biex il-katavri jiġu mgħottija bil-blat u tifrik ieħor”.
Żied jingħad li l-pulizija temmen li żewġ “basktijiet tas-surf” intużaw biex jittrasportaw il-koppja mejta f’vann abjad mid-dar ta’ Paddington, fejn huwa mifhum li nqatlu.
