Iċ-champions Ewropej Paris St-Germain se jiltaqgħu ma’ Manchester City u Aston Villa tal-Premier League, kif ukoll ma’ Barcelona, li rebħu l-kompetizzjoni ħames darbiet, fil-fażi tal-kampjonat taċ-Champions League ta’ dan l-istaġun.
Ir-rebbieħa taċ-Champions League għal żewġ staġuni konsekuttivi se jilqgħu lil Barcelona fil-Parc des Princes, filwaqt li se jkollhom ukoll żewġ logħbiet barra minn darhom, kontra Aston Villa f’Villa Park u kontra Manchester City f’Manchester, skont it-tlugħ tal-fażi tal-kampjonat.
Iċ-champions tal-Premier League, Arsenal, se jilqgħu lil Real Madrid, li rebħu l-kompetizzjoni 15-il darba, fl-Emirates Stadium, filwaqt li se jkollhom ukoll vjaġġ lejn Bayern Munich.
It-team ta’ Mikel Arteta, li tilef kontra PSG bil-penalties fil-finali tal-istaġun li għadda, se jiltaqa’ wkoll ma’ Borussia Dortmund, Real Betis, Lille, Napoli, iċ-champjins tal-Ażerbajġan Sabah u Slavia Prague.
Manchester City, immexxija minn Enzo Maresca, se jilqgħu lil PSG fl-Etihad Stadium u jivvjaġġaw lejn Barcelona, fejn se jerġgħu jiltaqgħu mal-midfielder Spanjol u rebbieħ tat-Tazza tad-Dinja, Rodri, li dan is-sajf mar jilgħab ma’ Barcelona fi ftehim ta’ £65 miljun.
Is-City se jiltaqgħu wkoll ma’ wieħed mill-midfielders preċedenti tagħhom, Kevin De Bruyne, meta Napoli jżuru Manchester. L-avversarji l-oħra tagħhom se jkunu Sporting, Porto, RB Leipzig, AEK Athens u Lens.
Aston Villa, rebbieħa tal-Europa League, se jirritornaw fiċ-Champions League wara staġun barra mill-kompetizzjoni. Huma se jilqgħu lil PSG u Dortmund u jivvjaġġaw lejn Barcelona u Galatasaray.
It-team ta’ Unai Emery se jiffaċċja wkoll lil Club Brugge, Fenerbahce, Viking u Slavia Prague.
Manchester United, li se jirritornaw fil-kompetizzjoni wara assenza ta’ sentejn, se jiltaqgħu ma’ Bayern Munich, Atletico Madrid, Roma, Sporting, Leipzig, Villarreal, Sabah u Como.
Liverpool, min-naħa tagħhom, se jilqgħu lil Atletico Madrid, Porto, Villarreal u Lens, filwaqt li se jivvjaġġaw lejn Inter, Brugge, Fenerbahce u LASK.
L-ewwel logħbiet tal-fażi tal-kampjonat se jintlagħbu nhar it-Tlieta, 8 ta’ Settembru, filwaqt li l-aħħar round ta’ logħbiet se jsir fis-27 ta’ Jannar 2027. L-iskeda eżatta tal-logħbiet se titħabbar is-Sibt.
Il-finali ta’ dan l-istaġun se ssir f’Madrid fil-5 ta’ Ġunju.
Il-poloz tat-timijiet Ingliżi huma:
Arsenal: Real Madrid (H), Bayern Munich (A), Borussia Dortmund (H), Real Betis (A), Lille (H), Napoli (A), Sabah (H), Slavia Prague (A)
Aston Villa: Barcelona (A), PSG (H), Borussia Dortmund (H), Club Brugge (A), Fenerbahce (H), Galatasaray (A), Viking (H), Slavia Prague (A)
Liverpool: Inter (A), Atletico Madrid (H), FC Porto (H), Club Brugge (A), Villarreal (H), Fenerbahce (A), Lens (H), Lask (A).
Man City: PSG (H), Barcelona (A), Sporting CP (H) Porto (A), Napoli (H), RB Leipzig (A), AEK Athens (H), Lens (A)
Man Utd: Atletico Madrid (A), Bayern Munich (H), Roma (H), Sporting CP (A), RB Leipzig (H), Villarreal (A), Sabah (H), Como (A)
Il-poloz tal-erba’ timijiet Taljani li jinkludu wkoll lid-debuttanti, Como, huma:
Inter: Liverpool (H), Real Madrid (A), Club Brugge (H), Borussia Dortmund (A), Shakhtar (H), Feyenoord (A, Stuttgart (H), Slovan Bratislava (A)
Roma: Real Madrid (H), Paris Saint-Germain (A), Sporting (H), Manchester United (A, Lille (H), Fenerbahce (A), Slovan Bratislava (H), AEK Athens (A)
Napoli: Arsenal (H), Manchester City (A), Club Brugge (H), Porto (A), Bodo/Glimt (H), Villarreal (A), Viking (H), Sabah (A)
Como: Paris Saint-Germain (H), Barcelona (A), Manchester United (H), Real Betis (A), Leipzig (H), Feyenoord (A), AEK Athens (H), Lens (A)
