Meta l-Ġimgħa ittellgħu l-poloz tas-Serie A 2022/23, iċ-champions Milan se jibdew id-difiża tat-titlu f’darhom kontra Udinese.
Il-kampjonat Taljan se jingħata bidu nhar l-14 ta’ Awwissu li ġej u jintemm fl-4 ta’ Ġunju, 2023.
Il-coach tar-Rossoneri, Stefano Pioli, qal li huma jinsabu ħerqana biex jibda l-istaġun biex ikomplu fejn ħallew fl-istaġun li għadda.
Peró huma se jkollhom bidu kemmxejn diffiċli meta sal-ewwel disa’ ġranet huma jiffaċċjaw lil Atalanta, Inter, Napoli u Juventus.
“Se jkun bidu kompetittiv, iżda kif nafu wisq tajjeb, il-programm tal-logħob jiddependi biss fuq il-prestazzjonijiet tagħna,” qal Pioli.
“Ma jimpurtax lil min niffaċċjaw, dak li jagħmel id-differenza huwa l-livell li għandna u x-xewqa li nibqgħu nisfidaw lilna nfusna, wara staġun mill-aqwa bir-rebħ tal-Iscudetto.
“L-objettiv hu li nkomplu nikbru. Aħna ħerqana u ppreparati għall-bidu tal-istaġun!’
Milan se jilagħbu fid-Derby della Madonnina mar-rivali Inter, fl-4 ta’ Settembru u l-5 ta’ Frar.
Il-programm kollu tal-ewwel ġurnata huwa:
Fiorentina v Cremonese
Juventus v Sassuolo
Lazio v Bologna
Lecce v Inter
Milan v Udinese
Monza v Torino
Salernitana v Roma
Sampdoria v Atalanta
Spezia v Empoli
Verona Napoli
