Sunday, May 26, 2024

Joao Janeiro kowċ ġdid ta’ Zabbar SP

Aqra wkoll

Zabbar St Patrick ħatru lil Joao Janeiro bħala l-kowċ il-ġdid tagħhom tal-ewwel tim, ħabba it-tim li għadu kif ġie promoss nhar il-Ħamis.

Il-kowċ Portugiż ta’ 42 sena se jkun qed jimla l-vojt li ħalla l-Arġentin Emil Cornago li dan l-istaġun kien mexxa lis-Saints lejn il-Premier League iżda ddeċieda li jwarrab b’żewġ partiti żejda.

Janeiro ġie identifikati mill-ogħla ġerarkija ta’ Żabbar bħala l-bniedem it-tajjeb biex imexxi lit-tim għall-futbol tal-Premier League dan l-istaġun.

“Joao Janeiro ġie maħtur bħala l-Head Coach il-ġdid ta’ Żabbar St Patrick,” qal il-klabb fi stqarrija.

“Il-kowċ Janeiro, ta’ 42 sena u ġej mill-Portugall, iġib miegħu ħafna esperjenza u kompetenza lill-klabb tal-futbol tagħna.

“Kowċ liċenzjat mill-UEFA PRO, il-vjaġġ ta’ kowċing ta’ Janeiro ħadu madwar il-id-dinja, b’esperjenzi notevoli fil-Portugall, l-Istati Uniti, l-Ungerija, u s-Slovakkja. Il-mandat tiegħu jinkludi li jiggwida diversi klabbs għal kwalifika Ewropea, u juri d-dehen tattiku u l-ħiliet ta’ tmexxija tiegħu.”

Il-kowċ imwieled Lisbona kellu ħafna esperjenzi fil-futbol. Fl-istaġun 2011-12 kien parti mill-istruttura teknika fil-ġganti Spanjoli Athletic Bilbao fejn ħadem bħala match analyst mal-Arġentin Marcelo Bielsa.

L-ewwel esperjenza tiegħu bħala kowċ kienet mat-tim Amerikan FC Tulsa qabel perjodu ta’ tliet snin fl-Ewropa tal-Lvant.

Fl-2020, huwa ħa f’idejh lit-tim tal-ogħla diviżjoni Ungeriża FC Kisvarda qabel ma ngħaqad mas-Slovakki ta’ Dunajska Streda.

Fl-istaġun 2022-23 kellu perjodu qasir mat-tim Ungeriż Debrecen fejn dam biss sitt logħbiet.

Zabbar SP żied jgħid: “Fl-ewwel kummenti uffiċjali tiegħu, il-kowċ Janeiro esprima l-eċċitament u d-disponibbiltà tiegħu biex jibda dan il-kapitlu ġdid ma’ Żabbar St Patrick Football Club.

“Huwa qed jistenna bil-ħerqa li jinvolvi ruħu mal-komunità vibranti ta’ Ħaż-Żabbar u l-partitarji, bil-għan li jrawwem rabta qawwija bejn il-klabb u l-għeruq lokali tiegħu.

“Hekk kif il-klabb qed jipprepara għar-ritorn tiegħu fil-Kampjonat Premier Malti wara waqfa ta’ 20 sena, il-Coach Janeiro se jibda mill-ewwel dmirijietu biex imexxi lit-tim lejn is-suċċess u jgħin lill-Club jilħaq il-miri tiegħu għall-istaġun 2024-25.”

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport