“Joey kien ġej mix-xogħol li kien jagħmlu ħafna minn qalbu għax kien bieżel, serju f’xogholu u kien lest li jagħmel kollox għal familtu. Għaliex kellu jiġri hekk? Din hi r-relata tal-ħajja li; ħajjitna hi fraġli immens. Ma għandna l-ebda garanzija tal-għada . Ċertu tbatija ma nistgħux naħarbu minnha. Alla biss jista’ jgħinna nifhmu t-tbatija ta’ ħajjitna.
Dan iddikјarah l-arċipriet tal-Parroċċa tan-Nadur hekk kif il-Ħamis waranofsinhar fil-Parroċċa tan-Nadur ingħat l-aħħar tislima lil Joey Cutajar, ir-raġel mill-Qala Għawdex ta’ 43 sena, li bħal-lum ġimgħa tilef ħajtu traġikament f’inċident tat-traffiku fi Triq Borg Għarib f’Għajnsielem.
Ingħad li kien diġa’ dalam x’ħin wieħed sar jaf bl-aħbar ta’ Joey u li Joey kien dejjem imur lura d-dar minkejja li xi ġranet kien idum. Il-qassis spjega li nhar il-Ħamis li għadda Joey kien se jirritona d-dar bħas-soltu, iżda minflok inġabar fid-dar tal-Missier etern.