Raġel sofra ġrieħi serji wara li aktar kmieni għall-ħabta tas-6:45 a.m kien involut f’inċident li seħħ fi Triq Tal-Barrani fiż-Żejtun.
Minn stħarriġ illi sar irriżulta li raġel mill-Gambja ntlaqat minn vann li kien telaq mill-post sakemm waslet il-Pulizija. Fil-post issjeħet ambulanza li ħadet lill-midrub lejn l-Isptar Mater Dei.
Il-Pulizija bdiet bit-tfittxija għall-vettura involuta meta raġel Taljan ta’ 49 sena residenti Marsaskala daħal fl-Għassa tal-lokalità msemmija qabel biex jirraporta li kien laqat persuna.
Bil-każ ġiet infurmata l-Maġistrat tal-Għassa Josette Demicoli li ordnat li ssir inkjesta u ħatret diversi esperti biex jassistuha.
