Real Madrid identifikaw lill-attakkant ta’ Lille, Jonathan David bħala mira potenzjali għat-trasferiment tas-sajf.
Bil-Los Blancos inaqqsu b’mod sinifikanti l-kont tal-pagi tagħhom fl-aħħar tal-istaġun, se jkun hemm aktar libertà għal wasliet ġodda fil-Bernabeu.
Fi żmien meta Kylian Mbappe u Erling Braut Haaland ta’ spiss kienu marbuta mal-leaders tal-La Liga, jingħad li qed jiġu kkunsidrati wkoll firxa wiesgħa ta’ ismijiet oħra.
Real huma ammiraturi tal-internazzjonali Kanadiż David, biż-żagħżugħ ta’ 21 sena jiskorja 15-il goal fil-Ligue 1 u fiċ-Champions League dan l-istaġun, u inevitabbilment poġġewh fuq ir-radar ta’ diversi timijiet Ewropej ewlenin.
Minkejja li fadallu tliet snin u nofs fil-kuntratt tiegħu, Lille mistennija jkunu miftuħa għal bejgħ fi sforz biex isaħħu l-pożizzjoni finanzjarja tagħhom.
