Jorginho żvela li joħlom li jilgħab taħt il-gwida ta’ Pep Guardiola u jsostni li ‘ma kellux jingħaqad ma’ Chelsea’ lura fl-2018.
L-internazzjonali Taljan ta’ 30 sena kien marbut ma’ ċaqliq ma’ Manchester City qabel ma għamel il-bidla minn Napoli għal Stamford Bridge, u minn dakinhar sar figura importanti għall-club minn Londra.
Jorginho iżda ammetta li jixtieq jilgħab taħt il-gwida ta’ Guardiola f’xi stadju tal-karriera tiegħu u żvela li kien jieħu gost isegwi lil Barcelona aktar minn għaxar snin ilu meta l-Ispanjol kien qed jikkowċja lil Xavi, Andreas Iniesta u Ronaldinho.
Jorginho għamel 173 dehra ma’ Chelsea fil-kompetizzjonijiet kollha u l-forma impressjonanti tiegħu għall-club u l-pajjiż l-istaġun li għadda ġiet rikonoxxuta meta ġie nominat għall-Ballun tad-Deheb 2021, u spiċċa fit-tielet post wara Robert Lewandowski u Lionel Messi.
