Joshua Zirkzee jinsab ferm viċin li jitlaq lil Manchester United sabiex imur jilgħab ma’ Juventus. L-eks plejer ta’ Bologna ftit irnexxielu jħalli l-impatt mixtieq f’Old Trafford u talab hu stess li jiġi trasferit.
Min-naħa tagħhom, Juventus qed ifittxu attakkant peress li Dusan Vlahovic mhux dejjem qed ikun konvinċenti filwaqt li Arkadiusz Milik aktar qed ikun imweġġa’ milli jilgħab.
Zirkzee għandu 23 sena u fil-passat lagħab ma’ Bayern Munich, Parma u Anderlecht. Ma’ Manchester United hu deher 19-il darba u skorja tliet gowls.
