L-eks kowċ ta’ Bayern Munich Julian Nagelsmann mistenni jirritorna fl-Allianz Arena. Bħalissa dan il-kowċ ta’ 36 sena qed imexxi lit-tim nazzjonali Ġermaniż u mhux sejjer daqshekk ħażin.
Nagelsmann kien imexxi lit-tim mill-Bavarja bejn l-2021 u l-2023 fejn anke rebaħ il-kampjonat Ġermaniż u darbtejn is-Super Cup tal-pajjiż.
Id-diriġenti mill-Bavarja għadhom qed jaraw jaslux ma’ Unay Emery ta’ Aston Villa u Roberto de Zerbi ta’ Brighton li wkoll qed jissemmew li jistgħu jkunu kandidati għal dan il-bank tant tqil.