Jurgen Cassar, magħruf bħala “tal-Fieres”, hu r-raġel li tilef ħajtu trakiġament dalgħodu f’Ħal Qormi.
Hu kien ilu snin jagħmel dan ix-xogħol. Laħbar tal-mewt tiegħu nisslet sens kbir ta’ dieqa fost il-komunità Qormija.
Fi stqarrija, il-Pulizija qalu li r-raġel inqabad fi trakk tal-ġbir tal-iskart.
Kienu xi s-6.00am, xħin il-Pulizija ġiet infurmata li x’aktarx hemm raġel maqbud fi trakk tal-ġbir tal-iskart. Fuq il-post minnufih marru l-Pulizija flimkien ma’ membri tal-Protezzjoni Ċivili fejn ġie kkonfermat ir-rapport.
Sfortunatament, huwa ġie ċċertifakat mejjet fuq il-post.
Il-Maġistrat Dr Monica Borg Galea LL.D ġiet infurmata bil-każ u ħatret inkjesta.
