L-ERA b’kollaborazzjoni ma’ Il-Majjistral Nature and History Park qed taħdem b’mod attiv biex tirrestawra l-ekosistemi tal-għaram tar-ramel ġewwa r-Ramla tal-Mixquqa u l-bajja tal-Little Armier.
Dan qiegħed isir permezz tat-tneħħija ta’ speċi invażivi u t-tħawwil mill-ġdid ta’ pjanti indiġeni bħall-pankrazju, ix-xewk tar-ramel, u s-sikrana tar-ramel, dawn l-ambjenti delikati qed jerġgħu jieħdu l-ħajja.
L-ERA tgħid li fl-istess waqt, qed jiġu introdotti miżuri ta’ protezzjoni biex dawn iż-żoni jitħarsu u jiżdied l-għarfien dwar l-importanza tagħhom.
