Juventus ġeddew il-kuntratt tal-midfielder difensiv tagħhom Manuel Locatelli u eventwalment żidulu s-salarju tiegħu. Dan il-ftehim riedu mhux biss l-eks plejer ta’ Milan u Sassuolo iżda wkoll l-istess klabb Bianconero li qed jarah bħala plejer importanti għall-futur tat-tim.
Locatelli għandu 25 sena u ngħaqad ma’ Juventus fis-sena 2021 meta kien misluf mingħand Sassuolo. Il-wirjiet tiegħu kienu ferm tajbin tant li ngħata l-kuntratt tiegħu staġun wara.
B’kollox huwa lagħab 74 logħba u skorja erba’ gowls mal-Vecchia Signora.
