Atalanta……… 0
Juventus…….. 1
Goal kmieni skorjat minn Dusan Vlahovic ta l-Coppa Italia lil Juventus għall-15-il darba hekk kif għelbu lil Atalanta bl-iskor ta’ 1-0.
Juventus ma setgħux kellhom bidu aħjar meta wara biss erba’ minuti fetħu l-iskor meta Andrea Cambiaso għadda through pass lejn Dusan Vlahovic li għeleb in-nasba tal-offside … baqa’ jinsisti bil-ballun minkejja li kien attakkat minn Isak Hien u b’xutt qawwi għeleb lill-goalkeeper Marco Carnesecchi.
Kien goal li ħasad għal kollox lil Atalanta iżda mal-ħin bdew jidħlu fil- partita u anke bdew jikkontrollaw l-andament tal- logħba.
Iżda, bil-Bianconeri jirtiraw lura, ma setgħux isibu t-triq lejn ix-xibka avversarja.
Fit-53 minuta, Juventus appellaw għal penalty wara li Hien għamel kuntatt ma’ Vlahovic iżda l-VAR iġġudika li l-kuntatt kien wieħed minimu.
Fis-66 minuta, Atalanta ndirizzaw l-ewwel xutt lejn il-lasti avversarji minn Teun Koopmeiners iżda ġie antiċipat minn Weston McKinnie.
Fit-73 minuta, Juventus kellhom goal ta’ Vlahovic imħassar għal offside.
Fl-84 minuta, huma kienu għoddhom għalqu l- partita iżda t-tentattiv ta’ Fabio Miretti ħabat ma’ taħt il-mimduda bil-ballun jinqala’ ‘l barra.
Atalanta ppruvaw jagħmlu reazzjoni biex isalvaw il-partita iżda r-riżultat baqa’ ma nbidilx.
