Juventus huma mistennija li jagħmlu offerta għall-midfielder ta’ Lazio, Sergej Milinkovic-Savic, jekk jonqsu milli jirbħu t-tellieqa għal Paul Pogba.
Fl-aħħar jiem baqgħet tippersisti l-ispekulazzjoni li l-Biannconeri kienu l-favoriti biex jassiguraw rijunjoni ma’ Pogba, li se jkun disponibbli bi free transfer fi tmiem l-istaġun.
Huwa mifhum li l-prijorità ta’ Juventus hija li jassiguraw li jaqblu mal-player ta’ Manchester United, b’kuntratt li jiswa £6.8m fis-sena, flimkien ma’ bonuses, li jingħad li hemm fuq il-mejda.