Skond rapporti fil-media Taljana, Juventus qed ifittxu coach ġdid biex jieħu post dak attwali, Massimiliano Allegri.
Dan minħabba li huma sfaw eliminati mill-UEFA Champions League fejn ġew relegati wkoll għall-UEFA Europa League u bħalissa jinsabu fit-tmien post tal-klassifika, distakkati b’10 punti mil-leaders Napoli.
Id-diriġenti Bianconeri baqgħu jsostnu li Allegri se jibqa’ fit-tmexxija iżda wara bidu negattiv tal-istaġun, huwa ma setax idawwar il-fortuni tal-club.
Wieħed mill-kandidati li qed jevalwaw huwa Stefano Pioli ta’ AC Milan.
