Juventus Women sfaw eliminati mill-UEFA Women’s Champions League meta tilfu bl-għoti tal-penalties kontra Eintracht Frankfurt tal-Ġermanja. Kienet logħba ferm bilanċjata bil-Bianconere li naqqsu milli jieħdu ċ-ċansijiet li kellhom bit-tim minn Frankfurt li għaraf jieħu vantaġġ mill-arma tal-kontrattakk. Bl-iskor li ntemm 1-1 wara l-ħin barrani, il-logħba marret għall-għoti tal-penalties.
Il-kowċ ta’ Juventus Joe Montemuro qal li jinsab ferm iddispjaċut b’dan ir-riżultat u ammetta li setgħu skorjaw aktar gowls. Minkejja kollox, hu sostna li l-penalties huma dejjem lotterija.
