Floriana rkurpaw żvantaġġ ta’ żewġ goals biex ħadu punt fi draw ta’ 2-2 kontra Sirens wara li dawn tal-aħħar kellhom player imkeċċi.
Sirens ħarġu tajjeb u meritatament marru żewġ goals minn fuq iżda t-tkeċċija, xi ftit ħarxa, ta’ Alex Cini wasslet biex Floriana skorjaw tnejn u salvaw punt mil-logħba.
Sirens ma setgħux kellhom bidu aħjar hekk kif fir-raba’ minuta fetħu l-iskor meta minn free-kick dirett ALEX CINI ma tax ċans lill-goalkeeper Kitanov isalva.
Dan il-goal ħasad lill-Furjaniżi u fis-seba’ minuta, Fernandes Ventura kien għoddu għamilhom tnejn iżda l-freekick tiegħu għadda ftit għoli.
Floriana rrispondew bi cross ta’ Busuttil mil-lemin li Andrea Cassar salva tajjeb biex fit-28 minuta, Busuttil għadda lejn Trillo fuq ix-xellug li kellu l-konklużjoni salvata mill-goalkeeper ta’ Sirens hekk kif Veselji naqas milli japprofitta.
Fid-29 minuta, Sirens irduppjaw meta minn cross ta’ Degran Jackson mil-lemin, IVAN KOLEV għeleb lil Kitanov mill-viċin.
Fit-43 minuta, il-Pawlini resqu viċin meta minn cross ta’ Jackson, Kolev bir-ras falla bi ftit fit-43 minuta u żewġ minuti wara, cross ta’ Walker ġie salvat tajjeb mill-goalkeeper ta’ Floriana.
Għat-tieni taqsima, il-coach ta’ Floriana għamel tliet bidliet meta daħħal lil Hershkovich, Zammit Lonardelli u Ciolacu u ftit wara daħħal ukoll lil Scicluna f’tentattiv li jdawwar il-logħba.
Aktar minn hekk, fid-69 minuta, Sirens spiċċaw b’għaxar players meta Alex Cini ġie muri karta safra fuq telf ta’ ħin u billi kien diġa’ ġie mwissi aktar kmieni fil-partita, kellu jħalli l-ground.
Fit-73 minuta Floriana naqqsu l-marġni meta minn cross ta’ Magri Overend is-sostitut ANDREI CIOLACU tefa’ ġewwa mill-viċin.Żewġ minuti wara, huma kisbu d-draw meta ANDREI CIOLACU rċieva ballun f’ tarf il-kaxxa u b’xutt għar-rokna għeleb lil Cassar.
SIRENS.: 1-Andrea Cassar, 4-Weder Soares da Silva, 6-Marcelo Pereira Muniz, 7-Kei Sano, 8-Rei Tachikawa, 10-Sean Cipriott (15-Adrian Borg 80’), 17-Jacob Walker, 22-Alex Cini, 27-Ivan Vaselinov Kolev (9-Wellington De Oliveira 72’), 30-Gabriel Fernandes Ventura, 31-Degran Jackson – Coach: Winston Muscat
FLORIANA: 33-Georgi Kitanov, 2-Adam Magri Overend, 3-Christian Rutjens, 4-Oualid El Hasni, 7-Mattia Veselji (21-Carlo Zammit Lonardelli 46’), 8-Kemar Reid (11-James Scicluna 65’), 10-Ulises Jose Arias (72-Eden Hershkovich 46’), 20-Matias Nicolas Garcia, 25-Lorenzo Trillo, 28-Emiliano Callegari Torre (9-Andrei Ciolacu 46’), 30-Jan Busuttil. – Coach: Gianluca Atzori
REFEREE: Daniel Portelli
ASS. REFEREES: Alan Camilleri, James Muscat
RABA’ UFF: Etienne Mangion
SKORERS: A. Cini 4, I. Kolev 29 (S); A. Ciolacu 73, 75 (F)
AMMONITI: A. Magri Overend, O. El Hasni, L. Trillo (F); A. Cini, W. Soares, R. Tachikawa (S)
TKEĊĊA: A. Cini 69 (S)
