arcelona u Real Madrid komplew isaħħu n-naħa ta’ fuq tal-klassifika tal-Kampjonat Spanjol meta għelbu lil Getafe (1-0) u lil Athletic Bilbao (2-0) rispettivament.
Il-Katalani laqgħu lil Getafe u minkejja li ddominaw għal bosta ħinijiet u rebħu biss bl-iskor minimu ta’ 1-0 bil-goal importanti jasal minn Pedri (35).
Fit-tieni taqsima sabu team organizzat li bl-ebda mod ma setgħu jinfdu d-difiża avversarja.
Min-naħa tagħhom, Real Madrid marru għand Athletic Bilbao u rebħulhom bl-iskor ta’ 2-0 biż-żewġ goals jaslu wieħed f’kull taqsima minn Karim Benzema (24) u Toni Kroos (92).
Barcelona għadhom igawdu l-ewwel post tal-klassfika b’vantaġġ ta’ tliet punti fuq il-Madrileni. Huwa għandhom 44 punt minn 17-il logħba.