Fir-raba’ ġurnata tal-Kampjonati tal-Għawm li qed isiru f’Doha, il-Qatar, kien l-Irlandiż Daniel Wiffen li spikka meta rebaħ it-800 metru freestyle wara li warrab l-isfida offruta mill-Awstraljan Elijah Winnington u t-Taljan Gregorio Paltrinieri.
F’dawk li huma midalji l-Amerikani żiedu tnejn oħra biex issa ħadu ħamsa tad- deheb, tnejn tal-fidda u tlieta tal-bronż, biċ-Ċina u l-Korea t’Isfel ma jżidu xejn mit-tielet ġurnata.
Kien Gregorio Paltrinieri li sforza dak il-pass matul il-ftuħ tan-nofs tat-tellieqa. Huwa kien fuq quddiem iżda kien Elijah Winnington – fl-ewwel finali tiegħu ta’ din id-distanza f’dawn il-kampjonati – li qabeż fuq quddiem.
Wiffen rebaħ id-deheb f’7:40.94, Winnington rebaħ il-fidda f’7:42.95 u Paltrinieri l-bronż f’7:42.98.
200m FREESTYLE NISA
Kif għamlet qabel, Siobhan Haughey ħarġet għall-200m freestyle fuq l-attakkat bl-ispeċjalista tal-isprint freestyle, Shayna Jack, ħarġet veloċi wkoll, daret fit-tieni post fin-nofs qabel ma spiċċat mingħajr gass u nqatgħet lura.
Fit-tielet 50, Haughey żammet il-vantaġġ kemm fuq l-avversarji kif ukoll fuq il-linja tar-rekord dinji, u għamet id-dawra finali iżda għadha taħt il-pass ta’ Mollie O’Callaghan minn Fukuoka.
Haughey tilfet il-kuntatt mal-linja tar-rekord dinji ta’ O’Callaghan fl-aħħar 50 metru, iżda setgħet iżżomm il-vantaġġ, u rebħet l-ewwel titlu tagħha tad-dinja. Haughey rebħet id-deheb f’1:54.89 minuta għall-midalja tagħha.
Erika Fairweather ta’ New Zealand żiedet midalja tal- fidda mal-lista tagħha f’Doha f’1:55.77, waqt li Brianna Throssell iċċarġjat fuq l- aħħar 50 metru, u mill-ħames post fid-dawra finali sabet ruħha fuq il-podju b’midalja tal-bronż f’1:56.00.
200m BUTTERFLY IRĠIEL
Kollox niżel għall-aħħar 50 metru bejn il-Ġappuniż, Tomoru Honda, u t-Taljan, Alberto Razzetti. It-tnejn kienu tbiegħdu mill-grupp matul l-ewwel 150 metru, u nnegozjaw il-vantaġġ kemm fil-ħajt tal-50 kif ukoll tal-100.
Matul l-aħħar 50 metru Honda, li kien qed jgħum b’injury fl-għaksa, żied il-pass u ħareġ rebbieħ f’1:53.58 minuti, fejn kiseb l-ewwel midalja tad-deheb fil-livell tad-Dinja/Olimpjadi wara li kien fuq il-podju f’dan l-avveniment matul l-aħħar laqgħa.
Razzetti żamm għall-fidda, meta mess il-ħajt f’1:54.65 waqt li l-Awstrijak, Martin Espernberger, ħa l-bronż f’1:55.16.
50m BREASTSTROKE RĠIEL
Kienet tellieqa stretta fil-50 breaststroke tal-irġiel b’sebgħa mit-tmien finalisti taħt is-27 sekonda. L-aqwa tliet għawwiema kienu separati b’0.17-il sekonda. fil-mess tal-ħajt, kien Sam Williamson li rebaħ l-ewwel midalja tad-deheb għall-Awstralja fil-laqgħa. Huwa għam id-distanza f’26.32 sekondi.
Williamson għeleb lit-Taljan, Nicolo Martinenghi li kiseb it-tieni midalja tal-fidda tiegħu tal-laqgħa b’26.39. Iċ-champion tad-dinja l-ġdid tal-100m breaststroke, l-Amerikan Nic Fink rebaħ il-bronż f’26.77.
4x100m MEDLEY RELAY IMĦALLTA
L-Amerikani kkontrollaw din it-tellieqa mill-bidu sal-aħħar. Hunter Armstrong tahom il-vantaġġ wara l-bidu veloċi tiegħu u huma qatt ma ħarsu lura, u llidjaw it-tellieqa għall-kumplament tat-triq. Huma wżaw lil Armstrong u Fink (58.27) bħala l-ewwel żewġ għawwiema tagħhom, u taw lil Curzan (56.54) u Kate Douglass (52.34) ilma nadif għall-kumplament tat-tellieqa.
L-Amerikani rebħu d-deheb fi 3:40.22 minuti waqt li l-Awstralja ħadu l-fidda fi 3:43.12 u l-Britannja l-bronż fi 3:45.09.
