ITV News spiċċaw imxandra mal-erbat irjieħ tad-dinja wara falza stikka tal-preżentatriċi li bi żball ħabbret il-mewt tal-Papa.
Il-persuna inkarigata mill-qari tal-aħbarijiet kienet qiegħda tirraporta d-diskors annwali tal-Papa f’jum il-Milied meta għamlet dan l-iżball.
Hija qalet li “L-indirizz tal-Papa għal dawn il-jiem ta’ festi kien jiffoka fuq it-talb bit-tama li din il-pandemija tiġi fi tmiemha. Qal ukoll li l-vaċċin għandu jkun disponibbli għal dawk kollha li għandhom bżonn… Il-mewt tiegħu tħabbret…”
Minkejja dan hija ntebħet immedjatament bl-iżball u kkoreġiet lilha nnifiha filwaqt li skużat ruħha.
Fost dawk li kienu qegħdin isegwu kien hemm telespettaturi li dehru konfużi b’dak li semgħu u saħansitra kien hemm minnhom li kitbu fuq il-midja soċjali biex jistaqsu jekk kinux semgħu tajjeb meta semgħu dwar il-mewt tal-Papa meta kienu qegħdin jisimgħu l-kelma tiegħu fl-okkażjoni tal-Milied.
Il-Papa Franġisku għadu ħaj u fil-messaġġ tiegħu tal-bieraħ fost temi oħra huwa tkellem dwar it-traġedji tal-gwerra, il-vittmi tal-vjolenza domestika li komplew jiżdiedu matul il-pandemija u dawk iċ-ċkejknin jew adoloxxenti li qegħdin ibatu minn xi forma ta’ abbuż.
ITV just announced the death of The Pope by accident pic.twitter.com/GS5RNCdm5b
— Scott Bryan (@scottygb) December 25, 2021
