Persuna tilfet ħajjitha u minn tal-inqas 12 oħra sfaw feruti wara li karozza baqgħet dieħla fin-nies f’żona kummerċjali Berlin.
Uffiċjali tal-emerġenza qalu li għadu mhux ċar jekk il-każ, li seħħ għall-ħabta tal-10.30 a.m., kienx intenzjonat jew seħħx b’mod aċċidentali.
Kelliem għall-Pulizija qal lill-ġurnalisti li x-xufier kien arrestat fuq il-post. L-istess kelliem qal ukoll li fost dawk midruba hemm min weġġa’ serjament.
Dan l-inċident seħħ fil-Punent ta’ Berlin, f’waħda mill-aktar toroq bieżla għax-xiri.
