Kellna nieħdu deċiżjoni diffiċli ħafna. F’dawn iż-żminijiet inċerti madwar id-dinja. Kellna nagħżlu bejn li nibqgħu d-dar jew li nkomplu l-kura medika essenzjali… imma s-saħħa ma tistax tistenna, u kull mument jgħodd.
Wara ħafna ħsieb, iddeċidejna li ntiru, u grazzi lil Alla, wasalna qawwijin u sħaħ f’Texas. Din l-opportunità li niltaqgħu ma’ tobba, xjenzati, u riċerkaturi li jispeċjalizzaw fit-TBRS (Sindrome ta’ Kate) isseħħ darba kull sentejn biss, allura kienet xi ħaġa li sempliċement ma stajniex nitilfu.
Hawnhekk, se niltaqgħu wkoll ma’ familji u individwi li jaqsmu dan il-vjaġġ magħna. Aħna grati li nkunu parti minn din il-komunità ta’ appoġġ, nitgħallmu, naqsmu, u nikkonnettjaw ma’ oħrajn li verament jifhmu din it-triq. Waqt li qegħdin hawn, hi se tkompli t-terapija biex issaħħaħ il-muskoli tagħha u tappoġġja l-irkupru tagħha.
Jekk jogħġobkom żommuna fit-talb tagħkom hekk kif nieħdu dawn il-passi importanti għas-saħħa u l-futur tagħha. L-appoġġ, l-imħabba, u t-talb tagħkom ifissru aktar għalina milli jistgħu jesprimu l-kliem. 💛🙏
Dan kien il-messaġġ li twassal fuq il-paġna ta’ Facebook: Kate: Writing My Story. Inżommu lil Kate fit-talb tagħna u nagħtu l-kuraġġ meħtieġ lil familjari tagħha.
