Jane Marczewski, magħrufa aktar bl-istage name Nightbirde, tilfet il-ġlieda mal-marda qerrieda tal-kanċer. Il-kantanta ta’ 31 sena saret popolari grazzi għall-America’s Got Talent wara li serqet qlub il-ġurija u l-pubbliku bl-istorja tagħha.
Minkejja l-ġlieda kontinwa tagħha kontra l-kanċer sa mill-2017, minkejja li t-tobba tawha biss tnejn fil-mija ċans li ssalva mill-kanċer, Marczewski kienet qalet li tnejn fil-mija kien ifisser li kien għad baqagħlha ċans.
Hija kienet tal-fehma li ma tistax tistenna li l-ħajja ma tibqax iebsa biex tiddeċiedi li tkun kuntent. Wara li ngħatat il-Golden Buzzer għall-kanzunetta oriġinali miktuba minnha ‘IT’S OKAY’, il-kantanta kellha tirtira mill-America’s Got Talent minħabba li saħħitha kienet marret lura ħafna.
