Liverpool jinsabu biss pass ‘il bogħod milli jiffirmaw lill-attakkant internazzjonali Urugwajan, Darwin Nunez, mingħand Benfica. Filwaqt li l-club Ingliż laħaq ftehim personali mal-player ta’ 22 sena, intlaħaq ukoll ftehim bejn iż-żewġ clubs fejn Liverpool mistennija jħallsu €80 miljun kif ukoll €20 miljun f’bonuses jekk jintlaħqu ċerti miri.
Il-player mistenni jiffirma għall-ħames snin li ġejjin fejn se jkollu salarju ta’ €100,000 li jitla’ dejjem aktar maż-żmien.
Jonqos biss il-firma tal-player fejn huwa stess sostna li jrid jilgħab taħt it-tmexxija tal-coach Jurgen Klopp u f’Anfield minħabba li baqa’ mpressjonat bil-partitarji meta Benfica lagħbu kontra Liverpool fil-UEFA Champions League.
… u bil-firma għadha ma waslitx, Manchester United se jagħmlu l-aħħar tentattiv biex “jisirqu” lil Nunez hekk kif se jiltaqgħu mal-aġent tiegħu biex joffru pakkett aħjar … nistennew u naraw!