Il-Korea ta’ Isfel għażlet kandidat konservattiv tal-oppożizzjoni, Yoon Suk-yeol, bħala l-president li jmiss tal-pajjiż.
Yoon kiseb rebħa fl-elezzjoni fuq Lee Jae-myung tal-Partit Demokratiku fuq wegħdi li se jrażżan l-inugwaljanzi li jeżistu bejn il-klassijiet.
Huwa sejjaħ ir-rebħa tiegħu bħala “rebħa kbira għall-poplu tal-Korea ta’ Isfel.” Ir-riżultat però kienet wieħed qrib ħafna, bl-aħħar għadd ikun separat b’inqas minn 1%.
Kmieni l-Ħamis filgħodu, Yoon indirizza lill-partitarji fiċ-ċerimonja tar-rebħa tiegħu fejn qal li jagħti iżjed attenzjoni għall-għajxien tan-nies filwaqt li jipprovdi aktar servizzi ta’ benesseri lil dawk fil-bżonn.
Iż-żewġ kandidati presidenzjali tqiesu bħala “mhux popolari ħafna” matul il-kampanja. Minkejja dan, l-elezzjoni ta’ nhar l-Erbgħa li għadda rat xejn inqas minn 77% tal-votanti eleġibbli li tefgħu l-vot.
Fost it-tħassib ewlieni tal-votanti kien hemm iż-żieda fil-prezzijiet tal-proprjetà, it-tkabbir ekonomiku stagħġnat, il-qgħad fost iż-żgħażagħ u l-inugwaljanza bejn is-sessi.
