Diversi kritiċi tal-futbol Taljan għadhom jitkellmu dwar l-eliminazzjoni xokkanti tat-tim nazzjonali Taljan ta’ taħt il-21 sena mill-kampjonat Ewropew ta’ din il-kategorija.
Il-kritiku Paolo Ghisoni qal li wieħed ma jistax bilfors iwaħħal fil-kowċ Paolo Nicolato iżda fis-sistema kollu tal-futbol Taljan b’mod partikolari l-etajiet aktar żagħżugħa.
Ghisoni qal li hemm bżonn li jkun hemm tibdila radikali għax dawn il-fallimenti fosthom l-eliminazzjoni mill-UEFA Nations League u t-tazza tad-dinja huma mera li mhux kollox sejjer tajjeb.
Finalment Ghisoni ssuġġerixxa lil Fabio Grosso bħala dik il-persuna li jista’ jmexxi lit-tim nazzjonali ta’ taħt il-21 sena bl-aqwa mod possibbli.
