Minn Cristian Muscat
Kif bdiet l-imħabba tiegħek lejn it-tennis?
Meta kelli sitt snin ommi kienet ħaditni nittrenja t-tennis il-Marsa Sports Club.
Ħa mmur mal-ewwel għall-punt. X’tikkummenta fuq il-fatt li għadek kemm ġejt inkurunata Champion lokali tat-Tennis ta’ taħt it-12-il sena?
Kuntenta ħafna b’dan l-unur li rbaħt għax niddedika ħafna ħin għat-taħriġ u nħobb nikkompeti.
X’suċċessi maġġuri oħra ksibt fil-karriera tiegħek sa issa f’dan l-isport li tant tħobb?
Irbaħt tournaments tal-U10, U12 u l-ġimgħa l-oħra għall-ewwel darba tournament tal-U14. L-akbar suċċess għalija personali kien f’Novembru li għadda meta sirt Champion tal-Italja tal-U11.
Kif tqis il-livell tat-tennis f’pajjiżna fil-preżent?
Tajjeb ħafna!
U dak tar-riżorsi fejn titħarrġu u jkollkom il-kompetizzjonijiet uffiċjali tagħkom?
Il-faċilitajiet huma ta’ livell għoli.
Kif qed tħares lejn il-futur tiegħek fit-tennis?
Nixtieq inkompli nieħu gost kemm jista’ jkun!
Għaddi messaġġ finali lil min jixtieq jibda jipprattika t-tennis.
It-tennis huwa sport għal qalbi ħafna u li jagħtik ħafna sodisfazzjon!