Bayern Munich kemmxu xi ftit xofftejhom hekk kif id-difensur internazzjonali Ingliż Kyle Walker se jiffirma kuntratt ġdid ma’ Manchester City fl-Ingilterra.
Dan kollu seħħ wara li għal dawn l-aħħar ġimgħat it-tim mill-Bavarja kein qed jiġri wara l-firma tiegħu.
Walker, li kien determinanti sabiex it-tim tiegħu jirbaħ it-treble, kellu l-kuntratt tiegħu sa Ġunju 2024 iżda dan se jiġi estiż u aktar informazzjoni se tingħata fis-sigħat li ġejjin.
Kyle Walker għandu 33 sena u ilu ma’ The Citizens sa mis-sena 2017 fejn lagħab 165 partita u skorja tliet gowls.
