Illum jaħbat l-40 anniversarju mill-mewta sfortunata ta’ tliet persuni li tilfu ħajjithom fil-Kumpless tan-Nar ta’ San Ġorġ ta’ Ħal Qormi: Ġużeppi Agius ta’ 62 sena, Nenu Zammit ta’ 38 sena u Twanny Cefai ta’ 27 sena.
Antoine Borg, fuq il-paġna ta’ Soċjetà Dun Gianello Cilia (Ċentru Storiku Qormi, San Ġorġ), sellem il-memorja ta’ dawn it-tliet individwi u ddeskriviehom bħala “tliet qalbiena” u qal li mal-mewt tagħhom, “Ħal Qormi kollu kien jinsab f’luttu”.
Il-lejla għas-6:30p.m. se tkun qed issir quddiesa fil-Knisja kolleġġjata ta’ San Ġorġ biex tfakkar lil dawn it-tliet vittmi.
